حسبناهم ضيوف وكلنا خطار
حسبناهم ضيوف وكلنا خطار
وغضينه النظر حدح مابقت نظره
وحسبنا أحساب للكرار والحسنين
بعد الله ورسوله وخاطر الزهره
بس اليوم وصلت حدها والعباس
ونراويهم بعد عيونه الحمره
مايدرون حقهم أحنه عدنه عيون
مانرمي الرصاص سﻻحنه الخزره
يتباهون داعش هذا أمير فﻻن
وهو أسود وسخ ماينحمل عطره
أحنه ألعدنه أبسط جندي لو تلكاه
بس يزمخ فقط قائدهم يطيره
أحنه أهل العراق وتشهد الجيران
شال اﻷمة كلها وماتعب ظهره
أحنه أهل النخل نغفى أعله سعف الليل
وحتى الماي عدنه بنكهة التمره
أذا واحد يفكر ينتزع هالكاع
مجرد مايفكر تشرد الفكرة
من أنهد صدك نتحزم بنهرين
وجيوش من الكصب ويانه متحضره
أحذركم صدك من دعوة أم الخير
وكلشي أتوقعوا لو صعدت الحسرة
حوبتها قبل وصلت ترى أسرائيل
وراح تلوح داعش حوبة السمره…